Monday, January 06, 2014

Telugu Actor Uday Kiran Commits Suicide By Hanging Himself : R.I.P.










‘ఎవరు తొక్కారో...అందరికీ తెలుసు’

నటుడు ఉదయ్ కిరణ్ సూసైడ్ చేసుకోవడం వెనక...తీవ్ర నిరాశే కారణమని స్పష్టంగా కనిపిస్తున్నప్పటికీ...అసలు ఆ  స్థితికి రావడానికి ఎవరు కారణమన్నది టాలీవుడ్‌లో గుసగుసలు మొదలయ్యాయి. ఈ విషయంపై సంచలన వ్యాఖ్యలు చేసిన దర్శకుడు తేజ...‘ఎవరు తొక్కేశారో అందరికీ తెలిసిన విషయమే కదా’ అంటూ ఘాటుగా స్పందించడంతో మళ్లీ దీనిపై పరిశ్రమలో అంతర్గతంగా చర్చ మొదలైంది. స్టార్టింగ్‌లో ఉదయ్ కిరణ్ కెరీర్ ఆకాశమే హద్దుగా కొనసాగింది. చిరంజీవి పెద్ద కుమార్తెతో వివాహం రద్దయ్యాక అతనికి ప్రాధాన్యం తగ్గిపోయిందనేది ఒక వాదన. కావాలనే అతడిని తొక్కేశారన్న ఆరోపణలు కూడా బలంగా వినిపించాయి.








ఎలాంటి సినీ నేపథ్యం లేకుండా వచ్చి.. తన ప్రతిభతో గుర్తింపును సొంతం చేసుకున్న ఉదయ్...తన పరిస్థితి తలకిందులు కావడంతో జీర్ణించుకోలేక పోయాడని అంటున్నాడు డైరెక్టర్ తేజ. ‘ఉదయ్ కిరణ్ మంచి వ్యక్తి.. ఒకరికి హానీ చేసేవాడు కాదు. చిత్ర పరిశ్రమలో అతడిని తొక్కేశారా లేదా...ఎవరు తొక్కేసారన్నది కూడా మీడియాకే ఎక్కువగా తెలుసు’ అంటూ సంచలన వ్యాఖ్యలు చేశాడు. అతడి మరణవార్త విని షాక్‌కి గురయ్యానని ఆయన ఆవేదన వ్యక్తం చేశాడు. ఉదయ్ కెరీర్ బాలేనందున కొంత కాలం తర్వాత అతనితో సినిమా చేద్దామని అనుకున్నానని.. ఇంతలోనే ఆత్మహత్య చేసుకోవడం బాధాకరమంటూ చెప్పుకొచ్చారు.












మరోవైపు...చలన చిత్ర సీమలో ఎవరైనా ఆత్మహత్యకు పాల్పడి అకాలమరణం పాలైతే అయ్యో అంటారే తప్ప కష్టాల్లో ఉన్నప్పుడు ఆదుకునే ప్రయత్నం చేయరని సీనియర్ క్యారెక్టర్ నటి పావలా శ్యామల కూడా ఆవేదన వ్యక్తం చేశారు. ఇండస్ర్టీ తొలినాళ్లలో  మానసిక ఒత్తిడిని తట్టుకోలేక తాను కూడా ఆత్మహత్యే శరణ్యమని అనుకున్నానని గుర్తు చేసుకున్నారు. ఉదయకిరణ్ ఎంత మానసికక్షోభ అనుభవించి ఉంటే ఇంతటీ తీవ్ర నిర్ణయం తీసుకున్నాడని..అతనికి కష్టకాలంలో ఎవరైనా అండగా ఉండి ఉంటే బాగుండేదన్నారు.

0 comments :

Advertisement

AD DESCRIPTION
AD DESCRIPTION
 

Prince Ys Jagan (PYJ) © 2009 - 2017. All Rights Reserved | Contact | Powered by Telugu Brains

back to top